VOV4.Bahnar - Năr 12/10, Dơnŏ anĭh bơ̆ jang vei lăng tơring tơrang ‘nao Dak Lăk hlôi pơgơ̆r Hop akŏm pơrô̆ pơrôp atŏk kơtang jơhngơm đon hlô̆h vao kơ khŭl chĭnh trĭ păng kon pơlei găh tơdrong jang mĭnh tơring đei mĭnh tơmam drăm. Đơ̆ng rŏng hlŏh 4 sơnăm tơlĕch jang, trŭh dang ei, dêh char Dak Lăk hlôi đei 72 tơmam drăm OCOP đei drơ̆ng nơ̆r iŏk đei đơ̆ng 3-4 sao.

Dak Lăk pơjao tơchơ̆t drơ̆ng nơ̆r tơmam drăm OCOP kơ dêh char

Iŏk đơ̆ng Tơdrong jang OCOP au, hlôi đei ƀô̆h lơ tơdrong jang hơ iă, hơgei tơgop atŏk ‘lơ̆ng tơmam drăm chŏh jang sa kơ dêh char. Mă lei, iŏk đơ̆ng jang kiơ̆ đei ƀô̆h, rim trong jang tơgŭm djru hăm tơmam drăm OCOP oei tim mă lăng kơ jăp, tơdrong chĕp pơgơ̆r, pơm tơlĕch păng tĕch mơdro tơmam drăm tim mă ‘lơ̆ng hơ iă, tơplĭh jơhngơ̆m đon kon pơlei răt yua hăm tơmam drăm păng hơnăn OCOP kơ dêh char tim mă kơtang.Jăl jang 2021-2025, dêh char Dak Lăk xơkơ̆t hơdăh OCOP ‘nŏh tơdrong jang tơm atŏk tơ iung mŭk drăm tơring chŏh jang sa; jing trong jang kăl lơ̆m jang kiơ̆ Tơdrong jang Tĕh đak tơ iung pơjing tơring tơrang ‘nao tơ̆ Dak Lăk.

VOV Tây Nguyên/Amazưt tơblơ̆