Lăm hŏk pơhrăm ming vă iung jang kiơ̆ rim trong tơlĕch jang kăl kơ Tơdrong tơchơ̆t 57 găh atŏk kơtang atŏk tơ iung khoa hŏk, kmăi kmŏk, tơplih ‘nao tơchăr păng tơplih kơsô̆, hơnhăk tơdrong gơ̆h hơgei kih thuơ̆t đơ̆ng hơnih jang pơlong năng năm truh tơ̆ tơring. Kiơ̆ đơ̆ng ƀok Phạm Gia Việt, Kơ iĕng Kơdră chĕp pơgơ̆r Hơnih vei lăng jang Khoa hŏk păng Kmăi kmŏk dêh char Dak Lăk, jơnei kơ bơ̆ jang khoa hŏk păng kmăi kmŏk kăl đei sơkơ̆t hơdăh hăm tơdrong tŏk ‘lơ̆ng, iŏk đei jơnei lơ̆m jang kiơ̆ yan ou vă pơm hơtŏk ăn khul kang ƀô̆ tơring ưh khan tơgŭm ăn vei lăng ‘lơ̆ng rim tơdrong jang khoa hŏk păng kmăi kmŏk, mă oei jing trong kăl hloh hơnhăk ba Tơdrong tơchơ̆t 57 mơ̆t lơ̆m tơdrong hơrih sa yak ou hloi.