VOV4.Bahnar -  Dak Lăk kăl akŏm hơmet pơ ‘lơ̆ng dôm hơnih “tơhlăk tơhlĭn” vă atŏk kơtang tơlĕch kon jên tơmơ̆t jang đơ̆ng tĕh đak. ‘Nau nơ̆r athei mă Jơnŭm vei lăng kon pơlei dêh char pơma athei tơ̆ hop akŏm Jơnŭm vei lăng kon pơlei dêh char ‘măng mă 4, jăl X, jăl jang 2021-2026 pơgơ̆r blŭng a năr brei, năr 13/7.

Rup hop akŏm

Atŭm hăm hơlen găh rim tơdrong, pơtôch jang kiơ̆ trong pơ prŏ jang atŏk tơ iung mŭk drăm-tơpôl, vei lăng sơđơ̆ng 6 khei blŭng sơnăm păng rim tơdrong jang lơ̆m 6 khei hơtuch sơnăm, tơ̆ ‘măng hop akŏm au, Jơnŭm vei lăng kon pơlei dêh char Dak Lăk gô pơma dơnŭh, pơdrơ̆ng kiơ̆ lơ tơdrong tơchơ̆t kăl nhen: Tơdrong tơchơ̆t klăh asong ba thuê̆ lơ̆m tơdrong jang ming man lơ̆m dêh char; Tơdrong tơchơ̆t găh kon jên thuê̆ au to; Tơdrong tơchơ̆t găh hơmet ming trong bơ̆ jang tơmơ̆t jên jang rim tơdrong vă jang tơgum ăn atŏk tơ iung tơring sơlam tĕh đak-Tơdrong vă jang iĕ dêh char Dak Lăk; Tơdrong tơchơ̆t klăh asong kon jên bơ̆ jang Tĕh đak lơ̆m jang kiơ̆ Tơdrong jang tĕh đak atŏk tơ iung mŭk drăm-tơpôl tơring kon kông păng groi kông, jăl jang 2021 – 2030.

Tơblơ̆ nơ̆r: Amazưt