Tơ̆ hop akŏm, rim bơngai tang măt hlôi đei tơroi hơdah dôm tơdrong tơm dơnơm kơ Hop akŏm Bơngai tang măt jơ̆p teh đak 'măng mă 14 kơ Đảng. Lơ̆m noh ră hơdah dôm tơchơ̆t tơlĕch jang păng trong jang vă hơtŏk tơ-iung teh đak lơ̆m jăl 'nao. Hop akŏm adoi tơroi hơdah gah Tơchơ̆t kơsô̆ 79 hơtŏk mŭk drăm teh đak păng Tơchơ̆t kơsô̆ 80 gah hơtŏk joh ayŏ Việt Nam lơ̆m jăl jang 'nao.

Dôm tơdrong đei tơroi tơgŭm ăn kang ƀô̆, khul linh lơ̆m dêh char băt hơdah hloh sơnong jang kơ mŭk drăm teh đak lơ̆m tơdrong pơkăp jang xah hô̆i chuh nghia; atŭm hăm noh sơkơ̆t hơdah tơdrong kăp gĭt kơ tơdrong pơjing joh ayŏ Việt Nam gơh hơgei, ƀenh kơ um ai tôm kon pơlei, tơgop pơjing trong jang kơjăp ăn tơdrong jang tơ-iung pơjing păng vei lăng teh đak. Atŭm hăm noh, hop akŏm oei tơroi gah minh ƀar hla bar 'nao đơ̆ng Hơnih tơm vei lăng khul linh tơrĕk truh sơnong jang khul linh, pơjing khul linh păng kơchăng iung tơblah.