VOV4.Bahnar - Ƀơm truh tơ drong kŏh phă bri tôch xă tơ̆ Tơ ƀôt bri 238, lơ̆m xăh Ea Bung, apŭng Ea Súp (Dak Lak), ‘năr 28/4, ƀok Nguyễn Thiên Văn – Bí thư Đảng apŭng roi tơ băt, ưh jor gô chă đei 1,2 ‘nu bơ ngai ƀơm truh tơ drong kŏh phă bri ‘long âu. Dang ei, anih jang kơ pal oei rôp gơ̆t 4 ‘nu bơ ngai vă pơ yoa ăn tơ drong dăr hơ len, sek tơ lang tơ drong ‘nâu.

Truh dang ei, Công an apŭng Ea Súp oei chih hơ met hla ar vă tơ kêng tơ drong yoch, tơ kêng khul bơ ngai pơm glăi kŏh phă bri tơ̆ Tơ ƀôt bri 238, 239 găh xăh sơ lam Ea Bung. Dơ nŏ anih vei lăng kon pơ lei xăh Ea Bung (tơ ‘ngla bri) păng Anih vei lăng bri ‘long apŭng oei jô̆ hơ len ‘long, kơ loăi ‘long kŭm nhen hơ găt bri ‘long đơ̆ng đe kŏh phă.

Dơ̆ng: Tơ blơ̆