VOV4.Băhnar - Lăp đơ̆ng rŏng Hơnĭh vei lăng ‘long pơtăm găh Dơnŏ anĭh tơm vei lăng Chŏh jang sa păng Atŏk tơ iung tơring tơrang tơbăt, năr 11/7, Hơnĭh tơm vei lăng Tĕch mơdro tơmam drăm hăm tĕh đak đe kơ Trung Quốc hlôi kĭ pơkăp Tơdrong tơchơ̆t kơthơ găh athei khăm lăng hơlen tơmam drăm plei sâu riêng Việt Nam tĕch mơdro năm tơ̆ tĕh đak au.

Kiơ̆ kơ ‘nŏh, plei sâu riêng kơ Việt Nam gô đei chơ tơmơ̆t kiơ̆ rim ‘măng sơlam tĕh đak kơ Trung Quốc mư̆h dôm plei sâu riêng au ƀlep ‘lơ̆ng kiơ̆ pơkăp tĕch mơdro tơ̆ tĕh đak đe. Tơdrong tơchơ̆t kơthơ đei jang kiơ̆ lơ̆m 3 sơnăm. ‘Nau jing tơdrong chơt hơ iă hlŏh hăm kon pơlei pơtăm sâu riêng lơm tĕh đak pơma atŭm păng dêh char Dak Lăk pơma hơdrô̆. Kiơ̆ đơ̆ng Dơnŏ anĭh tơm vei lăng Chŏh jang sa păng Atŏk tơ iung tơring tơrang tơbăt, lơ̆m dêh char đei dang 17.000 ha sâu riêng, lơ̆m au đei dang 15.000 ha hlôi đei plei, lơ̆m 1 sơnăm phĕ iŏk đei dang 140.000 tân. Jô̆ hơtŏ mĭnh sơnăm đei trŭh 70% plei sâu riêng kơ Dak Lăk tĕch mơdro tơ̆ Trung Quốc kiơ̆ trong kon pơlei tĕch mơdro dĭh băl.

Tơblơ̆ nơ̆r: Amazưt