VOV4.Bahnar - Pơ gê (5/6), ƀok Mai Văn Thắng-Kơ dră vei lăng kon pơ lei xăh Ea H’leo, apŭng Ea H’leo (Dak Lak) akhan, tơ̆ xăh ‘nao đei tơ drong glơ̆k tơ̆ đak tôch mơ nat pơm ăn 3 ‘nu hŏk tro tơ̆ Hnam trưng THCS Chu Văn An, xăh Ea H’leo lôch. Dôm bơ ngai lôch răm âu đei mon Trần Thị Kim Anh; Nguyễn Thị Hoài Bảo păng Mã Cẩm Tú, 3 ‘nu mon rơ nĕh sơ năm 2010, oei tơ̆ xăh Ea H’leo, apŭng Ea H’leo păng tơ tă oei hŏk lăm 6 tơ̆ Hnam trưng THCS Chu Văn An.

Tơ drong lôch glơ̆k đei ƀât kơ sơ̆ (4/6), ƀât mă 3 ‘nu mon Anh, Bảo păng Tú năm pơm lêh pơ tôch sơ năm hŏk tơ̆ Hnam trưng đang, đang kơ ‘nŏh chông băl năm ngôi tơ̆ thong đak Oóc (găh thôn 5, xăh Ea H’leo, apŭng Ea H’leo) pơm ngôi. Đơ̆ng rŏng đei tơ drong ơ̆h sơ ‘ngon âu, bơ ngai tang măt ăn Khul kơ dră tơ ring truh hơ pong, pơ lung hnam tơ nŏ păng tơ gŭm tŏ sĕt jên ăn unh hnam vă pơ gơ̆r pơ dong ƀŭ ăn đe mon.

Dơ̆ng: Tơ blơ̆