VOV4.Bahnar - ‘Măng pơ long tôt ngiêp jăl 3 sơ năm 2022 roi năr roi vă jê̆, jĭ covid-19 oei đei ƀôh krê hơ mơt, dôm hnam trưng hŏk jăl 3 lơ̆m dêh char Dak Lak tŏk bŏk pơ tho hŏk tơ tĕnh vă jang đang tơ drong jang sơ năm hŏk. Mă loi ‘noh jĭ tơ drong hơ met ăn hlôh vao ăn hŏk tro lăm 12 hơ met ăn ‘măng pơ long tôt ngiêp păng rơ̆ih hŏk tro hŏk vă jê̆. Lơ̆m dêh char Dak Lak đei 59 hnam trưng hŏk jăl 3, lơ̆m noh đei 48 hnam trưng hlôi ăn hŏk tro lăm 12 năm hŏk kơ tă tơ̆ hnam trưng. Dôm hnam trưng uơ oei dơ̆ng oei hŏk kiơ̆ trong trực tuyến, găh lơ ‘noh hŏk tro tơ̆ pơ lei tơm Buôn Ma Thuột păng apŭng Krông Buk. Ƀok Phạm Đăng Khoa, Kơ dră Anih vei lăng pơ tho pơ hrăm Dak lak tơ băt, lăng kiơ̆ lơ̆m tơ drong jĭ hơ buh tơ̆ tơ ring, dôm hnam trưng pơ gơ̆r bơ̆ jang pơ tho hŏk tơ tĕnh vei sơ đơ̆ng jơ năr, tơ drong pơ tho tơm; hơ dai hăm ‘noh vei sơ đơ̆ng jơ hngơ̆m pran ăn kang ƀô̆, thây kô pơ tho, bơ ngai jang, hŏk tro.

Thuem: Tơ blơ̆