Tơdrong tơlĕch jang tơ̆ xah Phú Hòa 2, lơ̆m hơnih teh să hloh 8 ha. Gô tơlĕch ming man lơ̆m 12 khei jô̆ đơ̆ng đei pơjao teh. Ah tơmơ̆t kơdou, hnam kơmăi gô pơm tơlĕch păng asong pơhlom 150 triu kWh unh hơyuh rim sơnăm.

Hơnih jang vei lăng kon pơlei dêh char Đăk Lăk athei hơnih iŏk jang akŏm tôm tơdrong vei sơđơ̆ng tơchơ̆t jang, pơm trŏ dôm tơchơ̆t gah teh, bri, cham char; atŭm hăm noh vei sơđơ̆ng tơdrong pơyua ăn tơpôl, vei sơđơ̆ng tơpôl tơ̆ tơring tơlĕch pơm jang. Tơdrong hơvơn asong jang pơm tơlĕch unh hơyuh 'lơ̆ng rơgoh, lơ̆m noh đei unh hơyuh đơ̆ng kial, đei hơpơi tơgop hơtŏk tơ-iung jơk păng hơtŏk tơ-iung kơjăp sơđơ̆ng tơ̆ Đăk Lăk.