Kiơ̆ hla ar chih tơroi, lơ̆m 8 khei blŭng sơnăm 2026, akŏm đĭ đăng jên thu mong ăn teh đak tơ̆ Quảng Ngãi đei vă jê̆ 24 rơbâu ti, tŏk hlŏh 10% pơting hăm khei âu sơnăm sơ̆. Lơ̆m dêh char hlôi tơlĕch jên jang kơ teh đak đei 2.800 ti, hơtŏ hăm 35% tơdrong hơgăt lơ̆m sơnăm. Vă sek tơlang dôm tơdrong pơmat tat, tơhlăk tăk mưh tơlĕch trong jang atŏk tơiung mŭk drăm, tơpôl đơ̆ng 2026 - 2030, dêh char Quảng Ngãi apinh Anih tơm vei lăng jên hu hơnơ̆ng tơrek, pơjing tơdrong ‘lơ̆ng hăm 1,2 tơdrong ƀơm truh Tơdrong jang pơjing Anih hlŏng hơmet đak dâu păng unh hơyuh teh đak tơ̆ Tơring jang mŭk drăm Dung Quất;

Atŏk tơiung tơring Gĭt kăl Lý Sơn jing Anih chă tơmang lăng tơ̆ đak dơsĭ – achon kông đak dơsĭ ‘lơ̆ng kơ teh đak; tơlĕch trong pơm hla ar ăn tơdrong jang pơm Trong gre kơdâu hrĕnh Quảng Ngãi – Kon Tum; hơmet pơ ‘lơ̆ng, pơih xă trong trong 24 tơƀưh dêh char Quảng Ngãi (so) hăm dêh char Kon Tum (so). Atŭm hăm ‘nŏh, tơlĕch jên, tơmam vă bơ̆ jang dôm tơdrong jang găh khoa hŏk, kơmăy kơmŏk, tơplih ‘nao rơgei păng tơplih hăm kơmăy sô̆, pơjing jơhngâm pran vă atŏk tơiung mŭk drăm, tơpôl, hơnhăk Quảng Ngãi jing Anih jang mŭk drăm đak dơsĭ hơbĕch hơbal kơ teh đak./.