Đơ̆ng rŏng kơ mơ̆ng tơroi păng dôm nơ̆r tơbang, Tổng Bí thư, Kơdră teh đak bơ̆n ră hơdah, lơ̆m 15 sơnăm pơm kiơ̆ pơkăp hơmet pơ-'lơ̆ng Đảng, tơchơ̆t ưh hơdrô̆ ƀôh băt, sek tơlang pơm glăi mă kơjung hloh noh akŏm tơdrong hơgei tang găn, kơdih tơplih, hơmet 'lơ̆ng, kơdih jang 'lơ̆ng hơnơ̆ng. Tổng Bí thư, Kơdră teh đak bơ̆n ră hơdah, jơhngơ̆m pran kơ Đảng hơdrol hloh noh tơdrong băt hơdah kơdih hơmet ming, ưh đei lê̆ tơdrong pơm glăi hơlơ̆k hơle.

Tổng Bí thư, Kơdră teh đak akhan, Tơchơ̆t 'nao athei pơm trong tơplih tơpă: hơnih jang đảng athei kơtang hloh, chi ƀô̆ athei 'lơ̆ng hloh, bơngai chĕp kơ̆l athei gơh hơgei, vă pơgơ̆r jơnŭm jang gơh sơđơ̆ng 'lơ̆ng hloh, dôm tơdrong kăp gĭt mă kon pơlei pơtruh athei đei sek tơlang tơtom. Kơyuơ noh, athei chih akŏm minh tơchơ̆t gơh pơm jang, pơm tơplih kơtang, hơtŏk tơdrong pơgơ̆r kơ Đảng, pơtrŏ hăm tơdrong kăl hơtŏk tơ-iung kơ teh đak lơ̆m chăl 'nao.