Dôm lăm hŏk păng anih bơ̆ jang kơ Hnam trưng teh đak rong jăl mônh păng jăl ƀar Ia Puch hlôi man đang adrol bơih. Đơ̆ng ‘năr 26/8, 40 'nu đoàn viên, druh dăm xăh Ia Puch năm tơ̆ hnam trưng vang ming hơmet kơƀang tang dŏ tơ̆ dôm lăm hŏk. Dôm tơmam drăm, kơmăy kơmŏk lơ̆m lăm hŏk kŭm đei chô̆, tăh hơmet đang.

Hnam trưng teh đak rong jăl mônh păng jăl ƀar tơ̆ xăh Ia Puch đei jang hrĕnh hlŏh lơ̆m 7 tŏ hnam trưng oei man tơ̆ dêh char Gia Lai. Tơchĕng adrol, 'năr 30/8, jơ̆p cham hnam trưng teh đak rong tơ̆ xăh sơlam Ia Púch gô đei hơpuih hơmet 'lơ̆ng, ‘yâu rơgoh, pơjao rim lăm hŏk ăn hnam trưng pơgơ̆r lêh mât hŏk sơnăm hŏk ‘nao.