Mă hơdăh, gô đei bơngai dơ̆ng tang đơ̆ng 7 Anih tang măt kơ tĕh đak,  5 Anih tang măt tơ̆ tơring păng 1,2 dêh char đơ̆ng dôm tĕh đak Mông Cổ, Campuchia, Hàn Quốc, Lào păng dôm anih jang, Khul grŭp, Anih chih tơdrong kơtơ̆ng ang, anih tĕch mơdro lơ̆m apŭng plenh tĕh. Kŭm hăm 1,2 tơdrong jang tơm lơ̆m tơdrong Lêh, dôm khul vă dăr lăng 1,2 trong jang pơtăm ‘long sâu riêng, trong choh jang xa, pơm tơlĕch, hơdrĕng, ot chĕh phe păng 1,2 anih chă tơmang lăng tơ̆ dêh char Dak Lak.

Hơdrô̆ 2 khul jŏh hơri hơxoang kơ dêh char Champasak (Lào), Jeollabuk (Hàn Quốc) hlôi chih măt truh akŏm lơ̆m tơdrong Lêh tơ̆ trong glung păng hơri hơxoang tơ̆ 2 apŭng Lắk păng Buôn Đôn. Anih pơgơ̆r lêh athei dôm anih jang kơpal, anih jang đei ƀơm truh tơlĕch trong sơng, pơvih pơvăn mă ‘lơ̆ng ăn dôm khul truh đơ̆ng tĕh đak đe vang akŏm lơ̆m năr Lêh Chĕh phe Buôn Ma Thuột ‘măng mă 8 sơnăm 2023.