Đơ̆ng Jên mong tơgŭm kon pơlei jang mir, Jơnŭm kon pơlei jang mir rim jăl kơ dêh char Đăk Lăk hlôi axong ăn jê̆ 2.500 unh hnam tŏk iŏk hloh 52 rơtăl hlj vă jang hơtŏk mŭk drăm unh hnam. Atŭm hăm noh, Jơnŭm jang hadoi hăm Anih mong jên tơgŭm tơpôl, Anih mong jên Choh jang xa pơkăp axong ăn hloh 15 rơbâu unh hnam kon pơlei tŏk iŏk jên jang hăm jên hre hloh 600 rơtăl hlj.

Atŭm hăm noh pơkăp dơ̆ng tang hăm dôm anih jang mŭk drăm tơgŭm kon pơlei jang mir răt dôm jĭt rơbâu tâ̆n phŏng rei, hơdrĕch 'long pơtăm, tơmam xa ăn kon tơrong kiơ̆ pơkăp kla dar deh, hăm kơjă hloh 70 rơtăl hlj.

Vă hơtŏk jang đei jơnei jên tŏk iŏk, lơ̆m xơnăm 2022, jơnŭm jang kon pơlei choh pơtăm Đăk Lăk pơtoi yak hadoi hăm kon pơlei lơ̆m tơdrong pơm jang, rong kon tơrong, hăt hot tơlĕch dôm tơdrong jang tơgŭm kon pơlei tơrĕk găh tơdrong rơngei khua hŏk, kŏng ngê̆; tơbang, tĕch tơlĕch tơmam pơm jang đei.