VOV4. Bahnar - Năr au, năr 14/2, rim hnam trương mâm non, jăl kơđeh tơ̆ Dak Lăk hlôi sơng hŏk tro năm tơ̆ hnam trương đơ̆ng rŏng hlŏh 8 khei hŏk trư̆k tuyên. Mă đơ̆ng ăn kon hơ ‘lơ̆p năm hŏk pơhrăm sơđơ̆ng mă lei đe mĕ ƀă jei tơtăm hơ iŏh mâm non, hŏk jăl kơđĕh tim mă ƀet vaccine, tim gan băt găh oei hơtăih dĭh băl kơna tơnap mă pơm kiơ̆ ‘lơ̆ng tơdrong tơchơ̆t tang găn jĭ hơbŭh.

Vă pơgơ̆r pơtho hŏk kơtă sơđơ̆ng lơ̆ng, hơdrol kơ ‘nŏh, Dơno anĭh vei lăng Hnam trương dêh char Dak lăk hlôi ăn rim khŭl năm dăr lăng rim hnam trương, athei vei lăng sơđơ̆ng trong tang găn jĭ hơbŭh. Sơnăm hŏk 2021-2022, dêh char Dak Lăk đei hlŏh 1.000 hnam trương hăm hlŏh 450.000 ‘nu hŏk tro rim lăm. Khei ‘năr au đĭ đăng kang ƀô̆, ƀok thây kô dêh char Dak Lăk hlôi đei ƀet tŏ sĕt hlŏh 2 jrŭm vaccine tang găn jĭ covid-19 păng đei hlŏh 20% hlôi đei ƀet jrŭm mă 3.

Tơblơ̆ nơ̆r: Amazưt