VOV4.Bahnar - Dôm khul jang găh Anih jang unh điên Dak Lak oei hơ tŏk hrĕnh tơ drong bơ̆ jang, adrin lơ̆m khei 8 âu jang đang tơ drong hơ met ming hlŏh 70km tơ lei kap viễn thông chô̆ kơ pal jrăng unh điên. Trong jang đơ̆ng dang ei truh sơ năm 2025, anih jang unh điên Dak Lak vă bơ̆ jang, hơ met ming vă jê̆ 310 km tơ lei kap viễn thông chô̆ kiơ̆ jrăng unh điên tơ̆ dôm tơ ring kơ drâm lơ̆m dêh char.

Công nhân bơ̆ jang chô̆ hơ met tơ lei kap viễn thông tơ̆ apŭng Ea H’leo

Kiơ̆ kơ ‘nŏh, anih jang unh điên vă yăih hŭt lê̆ dôm tơ lei kap kơ tĕch, ưh đei yoa tơ̆ jrăng điên, chô̆ akŏm hơ met tơ lei kap ‘măn hiă, dui tơ tăng dơ̆ng tơ lei rơ du, hơ mơt đe yak tơ vŏk ƀơm. Atŭm hăm ‘nŏh, PC Dak Lak oei athei dôm anih jang viễn thông kuăl iŏk dơ̆ng tơ lei so, ưh đei yoa; chô̆ hơ met tơ̆ nai păng tŏh hŭt 1,2 tŏ jrăng kap ưh kăl, pơm ưh ‘lơ̆ng tơ̆ tơ ring kơ drâm…

Dơ̆ng: Tơ blơ̆