VOV4.Bahnar – Dôm cham pơhiơ\ đei pơro\ lơ pơn^k đak hăm lơ tơdrong pơxuh pơchơt kơtă ăh cham hnam trưng dăh mă ăh anih tơm kơ pơlei pơm ăn đe hơ ioh hăt hot rơ ông rơ ang. Hăm tơdrong vă tơgu\m ăn đe hơ ioh đei anih pơxuh, pơchơt xơđơ\ng, lơ “Cham pơhiơ\ ăn đe oh” hlôi đei pơjing tơ\ lơ pơlei pơla ataih yaih tơ\ dêh char Đăk Lăk lơ\m khei năr puih mak 'nao.

          Dôm năr pơdơh têt nguyên đán Nhâm Dần, mă 'năr to# hlơ hle\ng, đe hơ ioh tơ\ pơlei Krũe, xăh Vụ Bổn, apu\ng Krông Pach, dêh char Đăk Lăk duh oei ako\m tơ\ cham kơ hnam trưng jăl kơđeh Phan Bội Châu vă pơchơt tơ\ anih pơxuh 'nao đei pơjing. Adrol kơ noh minh gie\ng, tơ\ âu đei axong lơ tơdrong pơxuh pơchơt nhen gơng tơhroh, hơtơ\ng d^ng du\ng, yak gơng 'long zích zắc,… pơm ăn đe hơ ioh lu\ lăp, pơtoi băl ako\m pơxuh. Oh Lê Trần Linh Chi, bơngai Tày, hnam oei tơje# anih pơxuh pơchơt, chơt hơ iă ăn tơbăt: Adrol ki tam mă đei cham pơxuh, dang ei đei bơih noh bơnê kơ đe met ma hlôi pơjing cham pơxuh, cham [ơlo\ng, gơng tơhroh ăn kơ nhôn, nhôn chơt hơ iă bơnê lơ. Kon hơnơ\ng xo# boăl năm pơchơt tơ\ âu.       

Duh lăp kơ tơdrong pơxuh pơchơt ‘nao, oh Vi Y Quyền, bơngai Ê Đê, ho\k lăm 5B, hnam trưng jăl kơđeh Phan Bội Châu tơroi, hnam ataih đơ\ng hnam trưng je# 1km, mă lei đơ\ng đei anih pơxuh pơchơt ‘nao đei pơjing ăh hnam trưng, mă to\k bo\k oei pơdơh Têt mă lei nhen le\ ‘năr mă yơ oh duh năm tơ\ âu pơxuh hăm bôl boăl: ‘Năr âu inh xo# hơ iă, adrol ki tam mă lai yơ đei pơxuh thoi âu noh inh [ôh xo# chơt. Đei đe met ma păng bơngai pơtho hơ ‘nhăk ăn tơmam pôk kăp g^t thoi âu, inh xơkơ\t gô adrin ho\k pơhrăm mă tơnăp.

Kiơ\ [ok thây Trần Hải Đường, Kơdră hnam trưng jăl kơđeh Phan Bội Châu, hnam trưng tơ\ pơlei Krũe dang ei đei 5 lăm ho\k hăm 100 ho\k tro, tôm noh bơngai kon kông ngăl. ‘Nâu jing minh lơ\m dôm hnam trưng tơnap tap hloh tơ\ xăh Vụ Bổn. Adrol ki, ‘nguaih jơ ho\k noh đe ho\k tro tơ\ âu kiơ\ me\ [ă năm jang tơ\ mir, năm vei kơpô rơmo, pơnăh xem dăh mă ako\m kơdăh [ơlo\ng tơ\ cham ‘nhe\t. Đơ\ng đei cham pơxuh âu tơ\ hnam trưng, đe ho\k tro păng hơ ioh tăp dăr tơring âu hơnơ\ng truh pơchơt tơ\ âu: Đei anih pơxuh pơchơt thoi âu noh adrol hloh đe oh hơnơ\ng năm truh hnam trưng hloh, mă 2 noh hơto\k tơdrong pơta#p hơkâu jăn, hơto\k grăng pran ăn đe hơ ioh. Đơ\ng ro\ng kơ anih âu đang pơjao noh khul kơdră hnam trưng atu\m hăm hăm khul hơdruh tơdăm hnam trưng păng khul hơdruh tơdăm thôn gô hop ako\m vă pơm thoi yơ vei lăng tơnăp hloh ăn đe hơ ioh.

Cham pơxuh pơchơt tơ\ pơlei Krũe jing tơdrong ming man mă 3 lơ\m tơdrong pơkăp pơjing “Cham pơhiơ\ ăn oh” kơyuơ khul jang ‘mêm bơnat BMT hơvơn tơdrong tơgu\m lơ\m tơpôl ming man hăm jên huach pơhlom 30 tr^u hlj. Pơmai Lê Như Huyền Trâm, kơdră khul jang ‘mêm bơnat BMT tơroi, lơ\m tơdrong chă hơlen tơ\ tơring tơnap tap, dôm pơlei pơla ataih yaih, xư [ôh đe hơ ioh tơ\ âu tôch tơnap tap, erih tơ\ tơring ataih yaih, ưh đei anih vă pơxuh pơchơt. ‘Nguaih kơ jơ ho\k, đe oh xo# băl năm pơnăh xem, năm hu\m tơ\ đak krong đak glung vă pơxuh đơ\ng noh pơm đei tơdrong glơ\k tơ\ đak. {ôh thoi noh, khul hlôi jang atu\m hăm tơring, hơvơn dôm tơdrong tơgu\m vă pơjing cham pơxuh pơchơt ăn đe oh. Atu\m hăm noh, tơ\ dôm anih pơxuh pơchơt đei pơjing, dôm anih vang tơgu\m duh tơroh axong dôm tơmam drăm kăl ăn kon pơlei dăh mă hơbăn ao tơno\, tơmam ho\k pơhrăm ăn hơ ioh tơnap tap. ‘Nâu jing tơdrong jang đunh khei năr păng gô pơtoi đei tơle\ch jang đơ\ng ro\ng kơ têt nguyên đán Nhâm Dần. Pơmai Lê Như Huyền Trâm tơroi: Lơ\m xơnăm 2022 gô đei 10 tơdrong man Cham pơxuh pơchơt ăn dôm apu\ng, xăh hin dơnuh tam mă đei cham pơxuh lơ\m dêh char Đăk Lăk. Kâu lak [o# gô hơvơn dôm anih jang ‘mêm bơnat, mưh jên ưh kơ măh noh dôm anih jang gô tơgu\m vă pơtoi ming man cham pơxuh pơchơt ăn đe oh.

Hăm tơdrong tơgu\m đơ\ng dôm anih vang jang, tơgu\m, lơ\m 5 xơnăm kơ âu, kiơ\ kơ dôm tơdrong jang kơ Đoan hơdruh tơdăm, dêh char Đăk Lăk hlôi pơjing đei je# 200 cham pơxuh pơchơt ăn đe hơ ioh, hăm kơjă je# 10 tih hlj. Rim cham pơxuh pơhiơ\ đei keh đang păng pơjao adoi đei dôm anih io\k yua xơng io\k păng vei lăng tơnăp, pơm trong hiôk vă đe hơ ioh đei yua, pơxuh pơchơt. Kiơ\ đơ\ng noh, tơgu\m ăn đe hơ ioh đei anih pơchơt, pơjing tơdrong xo# hơ iă, chhơp jơhngơ\m rim ‘măng năm ho\k tơ\ hnam trưng.

Lan chih păng pơre nơ\r