VOV4.Bahnar - Tơ drong hơ len năng kơ sô̆ pơ jei găh trong pơm hla ar vei lăng sơ năm 2021, dêh char Dak Lak đei 86,52 điêm, dơ̆ng mă 36/63 dêh char, plt găh Trung ương, tŏk 3,3 điêm, tŏk ƀiơ̆ 9 ƀơ̆k pơ têng hăm sơ năm 2020. Hăm kơ sô̆ lăp đon đơ̆ng kon pơ lei, anih jang hăm tơ drong pơ vih đơ̆ng dôm anih pơm hla ar vei lăng tĕh đak sơ năm 2021 dơ̆ng mă 59/63 dêh char, plt, tŏk 3 ƀơ̆k pơ têng hăm sơ năm 2020.

Dak Lak hơ met pơ ‘lơ̆ng trong pơm hla ar vei lăng

Kiơ̆ ƀok Nguyễn Đình Trung, Kơ dră jang lơ̆m Trung ương Đảng, Bí thư đảng dêh char Dak Lak, mă đơ̆ng đei lơ tơ drong tơ plĭh ‘lơ̆ng ƀiơ̆ ră lơ̆m tơ drong pơm hla ar vei lăng mă lei vă pơ jing đei hơ yak tŏk pran păng hơ nhăk Dak Lak jang tŏk tơ găl hăm anih dơ̆ng tơ̆ tŏk bŏk tơ ring Tây Nguyên, tơ̆ hơ năp kơnh, dêh char vă hơ nơ̆ng hơ met pơ ‘lơ̆ng trong pơm hla ar, hơ tŏk ki luơ̆t mưh pơm hla ar. Dak Lak vă adrin truh sơ năm 2025, kơ sô̆ hơ met ming trong pơm hla ar vei lăng kơ dêh char dơ̆ng lơ̆m grŭp 20/63 dêh char, plt.

Dơ̆ng: Tơ blơ̆