VOV4.Bahnar - Sơ năm 2022, Anih jang unh điên Dak Lak đei pơ jao hlŏh 59 ti hlak jên vă bơ̆ jang hơ met ming 48 anih unh điên. Truh đĭ khei 6, dôm anih jang hlôi hơ met đang păng hơ len năng, tơ mât yoa 8 anih, hăm jên vă jê̆ 10,3 ti. Dang ei công ty oei hơ tŏk hrĕnh tơ drong hơ met ming dôm anih oei đei dơ̆ng.

Hơ met ming tơ lei unh điên trung áp tơ̆ apŭng CưM'gar

Lơ̆m khei ‘năr bơ̆ jang, jang kiơ̆ trong tơ jur tôch ai tơ drong kŭp điên, anih jang unh điên Dak Lak truh dăr hơ len, tơ lĕch lơ trong jang đei yoa kiơ̆ đơ̆ng trong jang hotline mă ưh ‘nŏh jang kiơ̆ năr kŭp điên pơ lơ̆h băl vă hơ met ming dôm anih ƀiên ap 110kV lơ̆m tơ ring. Hơ dai hăm dôm tơ drong jang yoa anih jang unh điên jang kơ dih, Công ty oei tơ lĕch trong iŏk jang, chă rơih anih jang rơ gei vă hơ tŏk hrĕnh tơ drong jang, pơm ‘lơ̆ng ăn tơ drong pơ truh unh điên.

Dơ̆ng: Tơ blơ̆