VOV4.Bahnar - Sơ năm 2022, công ty jang unh điên Dak Lak đei klăih song vă jê̆ 285 ti hlak jên vă man, bơ̆ jang 93 tơ drong jang, atŏk tơ iung anih jang, chô̆ hơ met tơ lei unh điên. Mă đơ̆ng tơ ƀâp lơ mơ mat tat yoa tơ ring xă, răh rai, tơ drong chưk pơ ‘ngoăih tĕh tơ̆ 1,2 tơ ring oei tơ hlăk tăk, kơ plăh ‘nŏh jĭ covid-19 tơ pŏh tôch dêh, mă lei anih jang unh điên Dak Lak hơ nơ̆ng hơ met ming trong jang lăp ‘lơ̆ng, jang dôm tơ drong lăp hăm năr hơ găt, kơ jăp ‘lơ̆ng.

Tơ plih tơ lei hạ áp tơ̆ xăh Hòa Phú, plt Buôn Ma Thuột

Truh dang ei, đĭ đei 30 tơ drong jang hlôi jang kĕh, akŏm đĭ đăng chô̆ đei 85 km tơ lei điên trung hạ áp, 15 tŏ kơ măy biến áp, dôm jĭt tŏ kâu yao pơih, kŭp điên kơ dih păng kơ măy vei sơ đơ̆ng... đei tơ mât yoa. Dang ei PC Dak Lak oei hơ tŏk hrĕnh tơ drong jang, atŭm hăm ‘nŏh vei kơ jăp ‘lơ̆ng tơ drong ming man vă jăh jang kĕh rim tơ dỏng jang, tơ gop hơ tŏk đei tơ lei unh điên ‘lơ̆ng pơ vih ăn tơ drong jang tŏk mŭk drăm, tơ pôl tơ̆ tơ ring.

Dơ̆ng: Tơ blơ̆