VOV4.Bahnar - Hăm tơ drong iŏk tơ drong lăp đon đơ̆ng kon pơ lei, anih tĕch mơ dro pơm ‘long pơ tŏ hơ len năng tơ drong đei yoa đơ̆ng hơ met ming trong pơm hla ar vei lăng, dêh char Dak Lak hơ nơ̆ng hơ tŏk trong hơ met ming mưh pơm hla ar vei lăng ‘nŏh jĭ tơ drong tơm, pơm tơ jur jơ năr pơm, pơ jing tơ drong hiôk hian ăn kon pơ lei, anih tĕch mơ dro; mơ̆ng nơ̆r pơ ma đơ̆ng kon pơ lei.

Kăn ƀô̆ tơ̆ anih pơm, ƀơk hla ar huơ̆r gre pơm hla ar ăn kon pơ lei

Truh dang ei, kơ sô̆ hơ met ming trong pơm hla ar vei lăng kơ Dak Lak đĭ tŏk dơ̆ng mă 45/63 dêh char, plt; kơ sô̆ lăp đon găh tơ drong pơ vih mưh pơm hla ar đơ̆ng 15 anih jang kơ pal iŏk đei vă jê̆ 84%; kơ sô̆ lăp đon găh tơ drong pơ vih mưh pơm hla ar đơ̆ng dôm tơ ring lơ̆m dêh char đei 79%. Dak Lak tơ lĕch tơ drong adrin truh sơ năm 2025, kơ sô̆ hơ met ming trong pơm hla ar vei lăng kơ dêh char gô dơ̆ng lơ̆m grŭp 20/63 dêh char, plt.

Vă jang đei tơ drong ‘nâu, tơ drong hơ met ming trong pơm hla ar đei dêh char bơ̆ jang ‘lơ̆ng lơ̆m 6 tơ drong: Hơ met ming trong pơ gơ̆r; Hơ met ming trong pơm hla ar; Hơ met ming khul jang pơm hla ar vei lăng tĕh đak; Hơ met ming tơ drong tơ gŭm; Hơ met ming jên pơm; pơ jing păng atŏk tơ iung Khul kơ dră chĕp kơ̆l hăm điên tư.

Dơ̆ng: Tơ blơ̆