VOV4.Bahnar – Pơgê năr 8/4, Anih Pơtho Pơhrăm thĭ xăh Buôn Hồ, dêh char Đăk Lăk xơkơ̆t, lơ̆m tơring 'nao đei tơdrong minh 'nu hŏk tro lăm 8 chih kơthơ tơroi adrol kơ hơnhok. Hŏk tro âu hơnăn B.Đ.K lăm 8A2, hnam trưng THCS Ngô Mây. Unh hnam chă ƀôh hlak kơthơ chih tơroi kơ yuơ K chih hăm tơdrong ƀôh tơdrong erih tôch hrat. Adrol kơ noh, kiơ̆ tơroi đơ̆ng hnam trưng THCS Ngô Mây, pơgê năr 6/4, lăm 8A2 ưh đei jơ pơkăp hŏk online. Ƀơ̆t âu K ngôi điê̆n tưh păng ƀơm mĕ lach. Đơ̆ng rŏng kơ rim bơngai lơ̆m unh hnam năm pĕ tiu tơ̆ pơgar truh ăh 9 jơ ưh kơ ƀôh  K, noh tơchă păng ƀôh K hơnhok lơ̆m hnam pai gŏ. Kơtă ăh ƀôh băt, unh hnam tơkưu păng 'nhăk K năm kâ̆p kư̆u mă lei ưh đei hloh hlăng. Đơ̆ng rŏng tơdrong âu, Kŏng ang thĭ xăh Buôn Hồ duh chă hơlen hơdăh. Kiơ̆ xơkơ̆t đơ̆ng hnam trưng THCS Ngô Mây, K noh pơ 'nam hŏk pơhrăm păng chu ngua. Hŏk ki 1, xơnăm hŏk 2021-2022, K đei xơkơ̆t hŏk brăm, đon 'lơ̆ng. K ưh đei ƀă, dang ei oei erih hăm mĕ đĕch.

Lan chih păng pơre nơ̆r