Pơgơ̆r hop akŏm, Kơdră vei lăng kon pơlei dêh char Tạ Anh Tuấn athei hơlen kơjăp rim tơdrong ƀơm truh tŏ ‘mi kial, vei lăng ‘lơ̆ng dơnâu đak, ƀato yâu ka păng krao akŏm khul jang tơ̆ tơring, ưh gơ̆h lăng pơhơi lê̆ đei tơdrong ưh ê. Kiơ̆ Đại tá Nguyễn Văn Lĩnh, 6h pơgê 5/11, ƀô đô̆i vei lăng tơring sơlam dêh char tơlĕch nơ̆r kâm lĕch tơ̆ đak dơsĭ vă vei lăng sơđơ̆ng ăn kon pơlei jang ka păng ƀato.

Kŭm hăm tơdrong vei lăng tơ̆ đak dơsĭ, dôm anih jang păng tơring tơrang oei akŏm hơlen năng dôm tơring kon pơlei oei xa tơ̆ teh thŭng, tơring hơmơt đei teh hơlih, kơchăng tơlĕch trong chông tơlĕch, vei lăng dôm anih gĭt kăl. Khul linh công an, ƀô đô̆i, khul tơjră hăm tơdrong sar bar tơ̆ xăh vang trư̆k, kơchăng tơgŭm ăn kon pơlei, mă loi tơ̆ dôm tơring hơmơt đak lơ̆p đơ̆ng ‘mi tih. Ƀok Tạ Anh Tuấn, Kơdră vei lăng kon pơlei dêh char Đắk Lắk athei hơtŏk đon kơchăng, tơlĕch jang kiơ̆ “4 kơtă”, ưh gơ̆h lăng pơhơi kiơ.