Kiơ̆ Jơnŭm jang kơ Jơnŭm jang tơbôl dêh char Đăk Lăk, lơ̆m jăl jang âu ki, rim sơnăm dêh char adoi pơgơ̆r tơdrong tơjrâ̆m kon pơlei bơ̆n hơrih jang xa tơ̆ teh đak đe mă chôt vih pơlei pơla sơng têt juăt jue, năm apong, asong tơmam ăn kon pơlei vih tơ̆ pơlei pơla. Jang hadoi hăm dôm anih jang, jơnŭm jang tơpôl pơgơ̆r dôm tơdrong akŏm joh ayŏ kơdŏ suang, pơlong hơlen băt gah joh ayŏ vă hơtŏk tơdrong hlôh vao ăn đe đoan viên hơdruh tơdăm păng kon pơlei.

Vang năm akŏm dôm tơdrong pơma đam kon pơlei đơ̆ng trung ương păng tơring. Lơ̆m 5 sơnăm, d/c hlôi sơng 58 khul tơmoi đơ̆ng t/đ đe hăm kơ hrĕng 'nu tơmoi truh pơm jang, chă hơlen băt gah tơbôl jang lơ tơdrong. Khei năr truh, Jơnŭm jang tơbôl dêh char Đăk Lăk tơlĕch tơchơ̆t hơtŏk lơ hloh jơnŭm jang tơbôl 'nao kơ 2 pah, pơgơ̆r hơnơ̆ng dôm tơdrong akŏm pơma dơnuh hăm dôm teh đak. Hơdrin hơvơn đei 20 tih hlj tơgŭm đơ̆ng jơnŭm jang kơ teh đak đe kiơ̆ tơchơ̆t mă Anih jang vei lăng kon pơlei dêh char tơlĕch.