Tơ̆ hop akŏm, dôm bơngai tang măt đei roi tơbăt dôm tơdrong tơm găh vei lăng teh đak lơ̆m tơdrong jang roi tơbăt tơbôl, roi tơƀôh tơdrong ‘lơ̆ng dôm tơdrong jang hơtŏk tơiung mŭk drăm tơpôl tơring sơlam, Luơ̆t tơring sơlam Việt Nam păng dôm hla ar pơkăp găh tơdrong pơm tơm hơgăt teh kơ teh đak.

Ƀok Nguyễn Quốc Hiệp, Phŏ Kơdră Anih vei lăng găh Joh ayŏ, Tơplŏng kơdâu păng Tơmang lăng dêh char Đắk Lắk roi tơbăt, hop akŏm ‘noh jĭ ‘măng pơhrăm mă blŭng lơ̆m tơdrong jang đei tơlĕch jang tơ̆ 4 xăh sơlam ‘noh đei Ia Lốp, Ia Rvê, Ea Bung păng Buôn Đôn, vă hơtŏk ‘lơ̆ng đei yua tơdrong jang roi tơbăt tơbôl, pơjing tơdrong đĭ đăng kon pơlei vei lăng tơring sơlam kơjăp, pơm tơdrong hiôk ăn hơtŏk tơiung mŭk drăm - tơpôl păng hơmet ming grŭp pôm nơ̆r ƀơ̆r đon hơdrĕch hơdrŭng tơ̆ tơring sơlam Đắk Lắk.