Dêh char Đăk Lăk tŏk bŏk hơtŏk tenh Tơdrong ming man trong nơnăm tơjih đak dơsĭ. Truh dang ei, tơdrong jang hlôi pơjao hloh 90% hơnih teh iŏk ming man. Mă lei, khei năr pơm jang “Tơdrong jang 45 măng năr” ưh đei lơ, dêh char pơgơ̆r hăm dôm tơring, hơnih jang kơpal dah tenh kuăng pơklaih tơnap tap, vei sơđơ̆ng ưh đei răm kiơ truh tơdrong ming man.

Tơdrong man trong nơnăm tơjih đak dơsĭ kơ dêh char Đăk Lăk hơtaih hloh 25 km, hăm kơsô̆ jên asong jang pơhlom 3.800 tih hlj, kăl iŏk tơvih pơhlom 125 ha teh kơ hloh 1.500 unh hnam kon pơlei. Truh dang ei, dôm tơring hlôi pơjao hloh 21 km, hơtŏ hăm pơhlom 114 ha, đei hloh 90% teh kăl iŏk tơvih. Hơlen lăng truh năr 17/8, Phŏ Kơdră Hơnih jang vei lăng kon pơlei dêh char Đăk Lăk Hồ Thị Nguyên Thảo pơgơ̆r hăm rim hơnih jang, rim tơring dah tenh kuăng keh đang tơdrong jang đei pơjao; akŏm sek tơlang dôm tơdrong oei tơhlăk, hơtŏk jang hơdoi, vă ưh đei tơdrong chă tơpŭ dih băl pơm adar truh tơdrong ming man.