VOV4.Bahnar - Đơ̆ng blŭng sơ năm truh dang ei, dôm anih jang unh điên tơ̆ Dak Lak chă ƀôh hlŏh 1.000 tơ drong glăi găh unh điên. Lơ̆m nŏh hơ drô̆ tơ drong tơ tông unh điên đei 58 ‘măng, iŏk pơ dreu đei hlŏh 900 triu hlak jên.

Bơ ngai jang unh điên hơ len năng tơ lei đơ̆ng rŏng kơ Jơ đei ƀôh unh cham tơ̆ thôn 4, xăh Ea Nam, Ea H’leo

Atŭm hăm ‘nŏh, dôm anih jang oei hơ tŏk tơ drong iŏk yoa kơ măy kơ mŏk ‘nao vă tơ blang kơ sô̆ đơ̆ng hơ tăih, kơ chăng hơ len năng kơ sô̆ jur tŏk, chă ƀôh dôm tơ drong hlĭch lơ̆m tơ drong iŏk yoa unh điên đơ̆ng tơ moi. 

Tơ drong ‘nâu vang tơ gop tơ jur tôch đa tơ drong krê đei sar bar đơ̆ng unh điên lơ̆m tơ drong arih xa kơ kon pơ lei. Sơ năm ‘nâu lơ̆m dêh char chă ƀôh 54 tơ drong cham unh điên pơm ăn kơ sô̆ unh điên tŏk lơ, tơ gŭm ăn tơ moi hơ met tơ tom, huei đei tơ drong sar bar găh unh điên.

Dơ̆ng: Tơ blơ̆