VOV4.Bahnar - Vă jê̆ 100 ‘nu bơ ngai jang đei rơih iŏk lơ̆m Jơ chă tơ drong jang mă 1 sơ năm 2022 pơ gơ̆r ‘năr 15/2 tơ̆ Anih chă tơ drong jang dêh char Dak Lak. Lơ̆m jơ chă tơ drong jang đei 11 anih jang ‘mĕh chă, iŏk 1.773 ‘nu bơ ngai jang, mă lơ jĭ bơ ngai jang hmă.

Lơ bơ ngai truh hăm Jơ chă tơ drong jang

Anih chă tơ drong jang dêh char Dak Lak ăn tơ băt: ‘Nâu jĭ jơ chă tơ drong jang mă blŭng sơ năm 2022 đơ̆ng rŏng kơ pơ dơ̆h têt vă pơm lăp hăm tơ drong ‘mĕh vă chă tơ drong jang đơ̆ng dôm anih tĕch mơ dro kŭm nhen tơ drong ‘mĕh vă chă tơ drong jang đơ̆ng kon pơ lei.

Lơ bơ ngai chă đŏk hơ len anih chă bơ ngai jang

Tơ̆ hơ năp kơnh, Anih vă hơ nơ̆ng pơ gơ̆r dôm ‘măng chă tơ drong jang kiơ̆ khei, jang hơ doi hăm dôm anih tĕch mơ dro lơ̆m păng ‘ngoăih kơ dêh char ‘mĕh chă bơ ngai jang tơ̆ tơ ring.

Dơ̆ng: Tơ blơ̆