Kiơ̆ tơbăt, lơ̆m dêh char Dak Lăk đei 2.573 duk rôp ka hơdang; 100% duk đei sơkơ̆t hơdăh ƀlep tơdrong tơchơ̆t. Duk đei ăn asong chă rôp ka hơdang jơnei 94%; hơdrô̆ duk đơ̆ng 15 met năm tơ̆ kơjung jơnei hloh 98%. Duk drơ̆ng sơđơ̆ng kih thuơ̆t đei hloh 95%, rơgoh ‘lơ̆ng tơmam drăm vă jê̆ 98% păng 100% duk hloh 15 met hlôi đei pơlăp kmăi kmŏk vei lăng chă yơ yak. Khul bơ̆ jang hlôi chih hơnăn duk ưh kơ tôm tơdrong rơvơn gơh rôp ka hơdang, ăn dơ̆ng akŏm mĭnh hơnih păng pơjao ăn kơdră tơring dăr lăng hơlen hơnih ăn duk dơ̆ng 100%; ưh kơ ăn duk kơdou lĕch đơ̆ng dơnŏk mưh tim mă pơm keh đang hla bơar, adoi atŏk kơtang iung jang hơdoi hăm khul ƀô̆ đô̆i vei lăng sơlam teh đak,hơnih dăr lăng rôp hka hơdang, kŏng ang lơ̆m dăr lăng duk kơdou.

 Ƀĭ thư Đảng dêh char Dak Lăk Lương Nguyễn Minh Triết athei atŏk kơtang bơngai jang ăn khul vei lăng rôp ka hơdang, pơlăp kmăi kmŏk hơgei dăr lăng khul duk păng atŏk kơtang bơ̆ jang sơng iŏk nơ̆r tơgop đơ̆ng kon pơlei rôp ka hơdang vă hơmet ming trong bơ̆ jang vei lăng trŏ ƀlep, jơnei ‘lơ̆ng.