VOV4.Bahnar - Pơ gê ‘năr 27/2, tơ̆ xăh Drai Bhăng, apŭng Cư Kuin, Anih jang đoan dêh char Dak Lak pơ gơ̆r lêh iung jang Khei hơ druh tơ dăm sơ năm 2022. Tơ̆ lêh tơ lĕch jang, anih jang đoan dêh char Dak Lak hlôi pơ jao tơ drong jang Tơ̆k hơ dăh trong pơ lei tơ̆ xăh Ea Tiêu păng tơ drong jang “ Kơ mĭl lăng 3 ‘lơ̆ng” tơ̆ hnam trưng hŏk jăl 3 Y Jut. Tơ lĕch jên jang 150 triệu vă tơ chă ăn tơ drong jang ăn kơ hơ druh tơ dăm apŭng Cư Kuin.

Pơ jao gre tang vang ăn kơ đe hŏk tro mơ mat tat

Pơ jao 1 pôm hnam ‘mêm mơ nat păng asong 40 tơ pu tơ mam ( 1 tơ pu 300 rơ bâu hlak jên), 20 tong gre tang vang ăn kơ dôm ŭnh hnam mơ mat tat păng hŏk tro yak hloh mơ mat tat hŏk hơ gei. Anih jang Đoan apŭng Cư Kuin kŭm pơ jao 1 pôm hnam ‘mêm mơ nat ăn kơ ŭnh hnam dơ nuh hin, 1 tơ drong jang cham ngôi pơ chơt ăn kơ hơ ioh păng tơ lĕch ming man 1 cham păh ƀŏng lŏng. 

Thuem: Tơ blơ̆