Anih jang Thuê̆ dêh char Dak Lak tơ băt, jô̆ truh đĭ khei 10/2022 akŏp thu jên jang teh đak yua đơ̆ng anih jang Thuê̆ Dak Lak bơ̆ jang, đei vă jê̆ 5.000 ti hlak jên, yak hloh jô̆ hơ drol kơ pơ đĭ sơ năm, tŏk hloh 20% pơ têng hăm khei ‘nâu sơ năm hơ drol, Dôm jên thu đei tŏk lơ pơ têng hăm khei ‘nâu sơ năm sơ̆ ‘noh: Thu đơ̆ng dôm anih jang mơ dro sa ‘ngoaih kơ teh đak, thuê̆ iŏk yua kơ dih, jên thuê teh păng iŏk đơ̆ng vĕ sô̆. Pơ tôch thu jên jang tơ̆ Dak Lak sơnăm ‘nâu kŭm chih iŏk tơdrong tŏk vă dang ăi tơ̆ dôm tơ ring, hăm  10/13 anih jang găh Anih thuê̆ hlôi iŏk yak hloh jô̆ hơ len hơ drol kơ pơ đĭ sơ năm 2022. 

Đơ̆ng dang ei truh đĭ sơ năm Anih jang Thuê̆ Dak Lak hơ nơ̆ng akŏm tơ lĕch jang đei iŏk yua dôm grŭp trong jang vei lăng, tơ jră hiong thu thuê̆, lơ̆m noh akŏm tŭn pran dôm trong jang vei lăng hơ nih thu, tơ jră hiong thu iŏk hre, hơ dai hăm ‘noh hơ tŏk loi dơ̆ng dôm trong jang tơ gŭm ăn bơ ngai nôp thuê̆ ‘moi kiơ̆ dôm trong jang hơ met ming hla ar bơ̆ jang.