Kiơ̆ đơ̆ng ƀok Lê Văn Tuấn, kon pơlei oei lơ̆m thôn Bình Minh, sơnăm 2013, lơ̆m mă sir man jrăng ‘măng jang, ŭnh hnam ƀôh koăl tang pôn kơting păng lơ tơmam drăm. Ƀok hăm kon pơlei iŏk kơting ou ƀŭ tơ̆ Pơsat Mir đak lar Cư Kbô. Prăt 13 sơnăm ou ki, ŭnh hnam ƀok hơnơ̆ng choong choh pơ-‘ngoaih pơsat. Khei 8/2026, đơ̆ng rŏng đei kơtơ̆ng tơbăt găh “ ‘Măng iung jang 500 măng năr”, ƀok Tuấn hlôi tơroi tơbăt ăn khul ƀô̆ đô̆i. Khul K51 đơ̆ng rŏng ‘noh kôch akŏm kơting, atŭm hăm lơ tơmam nhen ƀlak ao ƀô̆ đô̆i, tơsi, che yu păng ao ‘mi ƀô̆ đô̆i. Khul ƀô̆ đô̆i hlôi iŏk kơcheh kơting khăm hơlen ADN. Kơting đei vei lăng, gô chang pơdong groong ƀŭ.