Tơ̆ 'măng hop akŏm, Thủ tướng athei pơtoi hơlen mă hơdah tơdrong trŏ luơ̆t, vei sơđơ̆ng tơdrong drơ̆ng minh păng gơh iŏk yua dôm luơ̆t đei chih akŏm; ưh đei chih tơmơ̆t lơ̆m luơ̆t dôm tơdrong tam mă đei pơdrơ̆ng tôm dah mă ưh đei oei lơ̆m tơdrong hơmet ming. Mă kăl, ưh gơh lê̆ đei “pơlôh hoh”, “hơnih lê̆ hoh” ƀơm iŏk pơm tơdrong kơnê̆ dah mă iŏk jang “pơyua ăn kiơ̆ khul”.

Thủ tướng pơgơ̆r hăm rim hơnih jang dah tenh kuăng keh đang hô sơ, vei sơđơ̆ng tơdrong 'lơ̆ng, vă pơtruh ăn Hơnih jang kơpal kơ Kuô̆k hô̆i păng tơroi hăm Kuô̆k hô̆i ah 'măng hop akŏm hơtuch sơnăm. Atŭm hăm noh, kơchăng jang hơdoi kơjăp hăm rim hơnih jang kơ Kuô̆k hô̆i, rim hơnih jang tơm, rim hơnih jang đei tơrĕk, tơmơ̆ng nơ̆r tơgop đơ̆ng bơngai juăt jang lơ̆m tơdrong chă hơlen lăng, chih keh đang khôi luơ̆t.