Dôm sơnăm kơ ou, tơdrong jang tơbôl kơ 2 dêh char đei pơtoi vei sơđơ̆ng, hăm 14 hơnih jang hop akŏm; dôm tơdrong jang hơtŏk tĕch pơdro, hơtŏk hơnih jang mŭk drăm, akŏm gah joh ayŏ, tơmang pơhiơ̆ păng hơpeh hơpong kon pơlei đei pơtơm. Hơnih jang Mŭk drăm Đăk Lăk pơtoi pơtăm, vei lăng, iŏk yua păng pai kơtăk kơsu tơ̆ Mondulkiri, hăm hloh 1.623 ha kơsu đei tơmơ̆t jang.

Ƀar pah jang hơdoi lơ̆m vei lăng jăl trong sơlam hơtaih jê̆ 72 km păng chơ chă, sir akŏm kơting linh lôch tang 'nhăk vih tơ̆ teh đak. Sơnăm 2026-2030, ƀar dêh char gô hơtŏk kơtang tơdrong jang hơdoi gah choh jang xa kơjăp sơđơ̆ng, vei lăng bri, hơtŏk lơ hơdrĕch 'long pơtăm, hơtŏk jang pơih 'Măng sơlam Đăk Ruê - Chi Miết, ming man trong nơnăm kơ 2 pah, tang găn păng tơjră pơm glăi găn sơlam teh, hơtŏk tơmang pơhiơ̆, pơtho pơhrăm, jang pơgang hơmet jĭ jăn păng tơguăt 'nhŏng oh tơ̆ tơring sơlam.