Kiơ̆ chih hơlen đơ̆ng sơnăm sơ̆ truh dang ei, lơ̆m dêh char Đăk Lăk đei dôm jĭt 'măng tŏ 'mi kial pơrăm, pơm lôch kơhrĕng 'nu bơngai păng pơrăm truh kơ hrĕng rơbou tih hlj. Hăm tơdrong đei ƀôh noh, dêh char Đăk Lăk drơ̆ng nơ̆r trong jang sơnăm ou 'noh kơchăng hơvơn hloh 24.000 kang ƀô̆, khul linh atŭm pơhlom 35.000 gre, kơmăi kơmŏk vă tơtom 'nhăk kon pơlei jăk tơ̆ nai păng chă tơgŭm dŏng sar bar.

Pơgơ̆r hop akŏm, Đại tá Lê Văn Hùng, Phŏ Kơdră Hơnih tơm vei lăng Khŭl linh dêh char Đăk Lăk pơgơ̆r hăm rim hơnih linh dah tenh kuăng tơlĕch trong jang, băt hơdah tơring tơm ƀơm sar bar păng jang 'lơ̆ng tơchơ̆t "4 tơ̆ tơring". Atŭm hăm noh, pơtoi tơdrong hơlen lăng vă tơjră, hơtŏk pơhrăm gah tơdrong hơmet răm tơtenh lơ̆m pơyan 'mi kial.