Kơ ieng Thủ tướng pơjao ăn Hơnih vei lăng kon pơlei dêh char Lai Châu hơlen kon jên jang kơdih, iung jang hơdoi hăm kon jên tơgum djru đơ̆ng Trung ương vă tơlĕch rim tơdrong jang kăl, hrôih tơgŭm ăn kon pơlei sơđơ̆ng hơrih sa păng hơmet pơ ‘lơ̆ng choh jang sa. Kơ iĕng Thủ tướng jei pơma hơdăh athei vei lăng, iŏk yoa kon jên tơgŭm ăn sơđơ̆ng tơpăt, ƀlep trong tơlĕch ăn păng ƀlep bơngai; ‘nĕ lê̆ đei tơdrong brăh brư. Dêh char kăl tơbăt hơdăh dôm tơdrong jang kiơ̆ ăn rim hơnih tơm bơ̆ jang ƀơm truh vă akŏm tơroi tơbăt ăn Thủ tướng Teh đak.