Kiơ̆ tơdrong tơchơ̆t, yă Cao Thị Hòa An, Kơdră Jơnŭm pơgơ̆r kon pơlei dêh char pơm Kơdră Khŭl pơgơ̆r jang. Khŭl pơgơ̆r jang đei hơnăp jang vang jang tơgŭm ăn Khŭl kơdră chĕp kơ̆l pơgơ̆r Anih jang Đảng dêh char, Khŭl kơdră chĕp kơ̆l pơgơ̆r Đảng bộ dêh char chĕp kơ̆l, pơgơ̆r tơlĕch jang đei yua Tơdrong jang 500 măng năr kiơ̆ athei đơ̆ng Anih pơgơ̆r jang kơ teh đak păng Anih pơgơ̆r jang Quân khu 5 găh tơchă, sir iŏk akŏm păng băt hơnăn kơ ting linh lôch tang ăn teh đak.

Anih tơm pơgơ̆r Khŭl lĭnh dêh char Đắk Lắk đei pơjao ‘noh jĭ anih joăt jang kơ Anih pơgơ̆r jang, jang hơdai hăm Anih tơm Nội vụ vei sơđơ̆ng hiôk bơ̆jang, chih akŏm tơdrong păng jang tơgŭm bơ̆jang kiơ̆ dôm hơnăp jang đei pơjao. Ƀok Lương Nguyễn Minh Triết, Bí thư Anih jang Đảng dêh char Đắk Lắk tơbăt, bơ̆jang kiơ̆ “Tơdrong jang 500 măng năr tŭn pran tơchă, sir iŏk akŏm păng băt hơnăn kơting linh lôch tang ăn teh đak” ‘noh jĭ hơnăp jang tôch kơ hăt hot, kăl athei tơlĕch jang mă kơtang păng akŏm pơgơ̆r jang vă iŏk đei jơnei ‘lơ̆ng hloh.