Hơdrol kơ noh, ah pơgê 'năr brei 20/7, pơgơ̆r păng pơma pơtơm hop akŏm, Tổng Bí thư, Kơdră teh đak bơ̆n Tô Lâm ră hơdah: Hop akŏm 'măng mă ou đei sơnong jang kăp gĭt noh tơplih dôm tơchơ̆t tơlĕch jang đơ̆ng Tơchơ̆t Hop akŏm 14 jing trong jang hơdah vă pơklaih tơhlăk tơhlĭn, chor trong ăn jơhngơ̆m pran vă hơtŏk tơ-iung 'nao.

Tổng Bí thư, Kơdră teh đak bơ̆n Tô Lâm pơtruh nơ̆r hăm rim bơngai tang măt akŏm pơma đam 13 tơdrong tơm lơ̆m lơ tơdrong jang, tơgop nơ̆r kơtă lơ̆m chih akŏm Tơchơ̆t păng Tơdrong tơlĕch jang. Mă kăl, dôm nơ̆r tơgop athei kơđeh bot hơdah, tơlĕch trong jang tơnăp vă hơtŏk tơdrong jang vei pơgơ̆r kơ teh đak, iŏk tơdrong hiôk păng phĭ tơtŏ kơ kon pơlei vă pơm 'long pơtŏ kơjung hloh.