Tơ̆ dôm anih truh ngôi, kơdră chĕp kơ̆l dêh char Dak Lak pơtruh nơ̆r hơ iă kơ Năr Noel ăn đe ƀok Soi, ƀok pơtho lui khop, đe yă giĕng, kon pơlei lui khop lơ̆m dêh char păng roi tơbăt dôm tơdrong jang đei ‘lơ̆ng lơ̆m rim tơdrong tơ̆ dêh char lơ̆m sơnăm ‘nâu.

Kơdră chĕp kơ̆l dêh char Dak Lak pơma hơdăh: gơ̆h iŏk đei dôm tơdrong jơnei ‘nâu ‘nŏh gơnơm tơdrong adrin đơ̆ng đĭ đăng kon pơlei, lơ̆m nŏh đei kon pơlei lui kŏng yăo păng Tin lành hai. Atŭm hăm ‘nŏh kơdră chĕp kơ̆l dêh char Dak Lak, hơpơi ‘mĕh đe ƀok pơtho lui khop păng kon pơlei đei tơdrong lui hơnơ̆ng tưk tơiung tơdrong juăt ‘mêm kơ tĕh đak, yak hơdoi hăm hơdrĕch hơdrung, tưk tơiung dôm tơdrong jơnei hlôi jang đei, tơgop lơ hlŏh dơ̆ng ăn tơdrong pơjing dêh char Dak Lak pơdrŏng ‘lơ̆ng rŏ, gơ̆h hơgei.