VOV4.Bahnar – Pơgê năr 12/10, Anih Mong jên Teh đak Việt Nam pơm jang tơ̆ dêh char Đăk Lăk pơgơ̆r Hop akŏm tơroh anih mong jên – anih jang mŭk drăm hơtŏk tơdrong jang tơgŭm jên cheh đơ̆ng jên mong tơgŭm tơpôl kơ Teh đak hăm dôm tơdrong tŏk iŏk đơ̆ng anih jang mŭk drăm, hơp tak xăh, unh hnam jang tĕch pơdro kiơ̆ Tơchơ̆t kơsô̆ 31/2022 đơ̆ng Khul Kơpal teh đak.

 Kiơ̆ tơroi đơ̆ng Anih mong jên Teh đak jang tơ̆ dêh char Đăk Lăk, lơ̆m 5 khei tơlĕch jang, rim anih mong jên tĕch pơdro hlôi tơlĕch tơchơ̆t lơ̆m anih jang; pơih lăm pơhrăm ăn tôm anih jang tơklăh; hơlen tŏk iŏk hăm dôm anih jang, tơdrong jang đei tơgŭm jên cheh; hơbĕch akŏm tơroi tơbăt truh dôm bơngai, anih jang mŭk drăm păng hơp tak xăh... Mă lei, tơdrong jang duh tam mă đei jơnei nhen 'meh vă. Truh năr 30/9/2022, kơsô̆ jên axong tŏk iŏk tơgŭm jên cheh kiơ̆ Tơchơ̆t kơsô̆ 31 tơ̆ Đăk Lăk pơtơm đei hloh 50 rơtăl hlj, kơsô̆ jên hlôi tơgŭm jên cheh noh hloh 13 rơtuh hlj.

 Tơ̆ hop akŏm, tang măt ăn rim Anih mong jên tĕch pơdro păng anih jang mŭk drăm hlôi vang glơng dôm tơnap tap lơ̆m tơdrong xơkơ̆t anih, tơdrong jang đei xa tơgŭm jên cheh, pơm ăn tơdrong tơgŭm tam mă đei jơnei nhen 'meh vă.

VOV Tây Nguyên/Lan tơblơ̆