‘Nou jĭ ‘măng tơmơ̆t dơ̆ng mă ƀar, pơm hơtŏk tơmơ̆t hŏk lơ̆m dêh char hloh 3.300 ‘nu hŏk tro. Dôm bơngai vang pơlong mơ̆t hŏk ‘noh dôm hŏk tro tim mă iok đei krao tơmơ̆t hŏk. Jơ ‘năr chih hơnăn mơ̆t hŏk kiơ̆ trư̆k tuyên đơ̆ng năr 12/7 truh 5 kơ kơsơ̆ năr 14/7/2026, lơ̆m mĭnh ‘nu hok tro gơh chih hơnăn rơih mơ̆t hŏk 2 hnam trương kiơ̆ ƀlep lơ̆m tơring kơdih. Kiơ̆ tơdrong vă jang, hla bơar chih hơnăn đei mơ̆t hŏk ‘măng mă 1 păng mă 2 gô đei tơbăt hơdăh lơ̆m năr 15 păng năr 17/7. Lăp đơ̆ng rŏng hŏk tro pơm đang hla bơar mơ̆t hŏk, hơnih vei lăng hnam trương pơtho pơhrăm dêh char Đắk Lắk gô tơbăt hơdăh điêm vă iung jang krao mơ̆t hŏk pơhrăm.