Kiơ̆ tơroi tơbăt đơ̆ng Anih vei lăng kon pơlei dêh char Dak Lak, jô̆ truh đĭ khei 3, kơ sô̆ pơm hla ar hành chính đei tơbăt hơdăh ‘nao lơ̆m dêh char ‘noh 1.572 pơm hla ar. Hơnih pơvih pơvăn teh đak kơ dêh char hlôi tơgoăt hăm Hơnih pơvih pơvăn teh đak. Dêh char hlôi tơlĕch jang pơih să tơdrong sơng iŏk, hơmet pơ ‘lơ̆ng hla ar Hành chính kiơ̆ trong ưh kơ pơmơ̆ng lơ̆m khŭl jang hành chính kiơ̆ lơ̆m tơmơ̆t yua kơmăy kơmŏk kơtơ̆ng ang lơ̆m bơ̆jang kiơ̆ trong jang 1 ‘măng, 1 ‘măng hơtŏk hloi.

Kơ sô̆ hla ar hành chính yua đơ̆ng anih jang joăt jang kơ dêh char sơng iŏk lơ̆m sơnăm 2022 đei hơmet pơ ‘lơ̆ng ƀlep khei ‘năr pơ kăp ‘noh hloh 89%, tơ̆ apŭng ‘noh 98,7%, tơ̆ xăh ‘noh 99,9%. Pơma tơ̆ jơ bơ̆jang, ƀok Nguyễn Duy Hoàng -Phŏ Kơdră Anih vei lăng pơm hla ar hành chính athei: dêh char Dak Lak kăl hơnơ̆ng bơ̆jang dăr hơlen, tơplih trong jang pơgơ̆r tơdrong jang tơ̆ Hơnih pơyua ăn hành chính teh đak kơ dêh char păng Khŭl jang 1 ‘măng rim tơring vă lăp hăm tơdrong tơlĕch jang hơnhăk trong jang kơ sô̆ tơklep hăm trong jang sơng iŏk păng pơ dreo hla ar hlôi pơm đang hla ar hành chính.