VOV4.Bahnar - Hrei au, rim hơnĭh jang ba tơmang pơ hiơ̆, hơnĭh tep pơdơ̆h păng rim hơnĭh jang mơdro sa tơmang pơ hiơ̆ tơ̆ Dak Lăk hlôi hơmet ăn rim tơdrong ‘lơ̆ng hơ iă hlŏh vă sơng hơvơn tơmoi lơ̆m jơ ‘năr pơdơ̆h lêh 30/4 păng 1/5. Kiơ̆ đơ̆ng Dơnŏ anĭh vei lăng Jŏh ayŏ, Đă ƀŏng lŏng tơplŏng kơdau păng Tơmang pơ hiơ̆ dêh char Dak Lăk, trŭh dang ei, 225 hnam tep pơdơ̆h tĭh, khăch san tơ̆ pơlei tơm Buôn Ma Thuột tơmoi hlôi apĭnh hơdrol vă tep pơdơ̆h hlôi vă pă đei. Măt tơmoi apĭnh tep pơdơ̆h lơ hlŏh ‘nŏh đơ̆ng pơlei tơm Hồ Chí Minh, Hà Nội păng rim dêh char Khánh Hòa, Bà Rịa Vũng Tàu, Bình Dương, Bình Phước… Vă tơmoi đei jơ ‘năr pơdơ̆h pơdei năr lêh chơt hơ iă ‘nă hai sơđơ̆ng, Dak lăk athei rim hơnĭh jang mơdro sa pơ klep kơ jă hơdăh păng pơkăp ư̆h kơ lê̆ đei pơkơ̆ng hơnĭh tep atŏk kơ jă vă sa lơ. Atŭm hăm ‘nŏh, rim hơnĭh tĕch mơdro et sa lăng kơ jăp rơgŏh tơmam drăm sa. ‘Ngoăih kơ ‘nŏh, rim hơnĭh jang tơmang pơ hiơ̆ kăl pơm sơđơ̆ng dơ̆ng kơ jăp lơ̆m tang găn jĭ Covid-19; pơma sa ‘lơ̆ng hơ iă hăm tơmoi đei tơdrong tơpŏh jĭ F0 mư̆h năm tơ̆ Dak Lăk.

Tơblơ̆ nơ̆r: Amazưt