Jăl jang ou ki, tơdrong jang tơbôl đơ̆ng dêh char Đăk Lăk păng dêh char Mondulkiri hơnơ̆ng đei hơtŏk 'lơ̆ng, tơgop kăp gĭt ăn tơdrong hơtŏk mŭk drăm tơpôl kơ 2 pah, jang tơjră đei jơnei dôm tơdrong pơm yoch glăi lơ̆m tơring sơlam, vei lăng kơjăp tơdrong pơgơ̆r kơdih kơ rim teh đak.

Dôm tơdrong tơlĕch jang hơdoi kơ 2 dêh char hlôi đei tơlĕch jang tơnăp 'lơ̆ng. Iŏk jang kiơ̆ tơdrong hlôi đei jơnei, Đăk Lăk păng Mondulkiri hlôi kĭ pơkăp Hla bar tơbăt jang hơdoi ăn jăl sơnăm 2026-2028, hơtŏk hloh dơ̆ng dôm tơdrong jang, tơgop hơtŏk 'lơ̆ng tơbôl “tơjê̆ 'lơ̆ng hơƀăp, tơbôl juăt jue, jang hơdoi tôm tơdrong, kơjăp sơđơ̆ng đunh khei năr” kơ 2 teh đak Việt Nam - Campuchia.