VOV4.Bahnar - Kơ sơ̆ (8/7), hlŏh 20.400 ‘nu hŏk tro tơ̆ Dak Lak hlôi thi đang môn thi mă hơ tuch, pơ tôch ‘măng thi THPT sơ năm 2022. ‘Măng thi đei năng sơ đơ̆ng ‘lơ̆ng, lăp hăm dôm tơ drong hơ găt đơ̆ng anih pơ tho pơ hrăm tơ lĕch. Tơ roi hrĕnh đơ̆ng rŏng kơ thi đang, ƀok Phạm Đăng Khoa, Kơ dră vei lăng pơ tho pơ hrăm dêh char Dak Lak, Phŏ Kơ dră Anih pơ gơ̆r thi tốt nghiệp THPT 2022 tơ̆ Dak Lak ăn tơ băt:

Dak Lak: pơ gơ̆r đang ‘măng thi tốt nghiệp sơ năm 2022

Sơ năm ‘nâu, hăm tơ drong vang jang tôch tơ năp đơ̆ng rim anih jang chinh trĭ, rim anih jang, khul grŭp tơ pôl hlôi jang ‘lơ̆ng tơ drong vei sơ đơ̆ng hai, vang tơ gŭm tơ tom găh tơ mam drăm, jơ hngâm đon ăn hŏk tro păng mĕ ƀă hŏk tro hai, vă đe ŏh sơ đơ̆ng jơ hngâm mât thi. Kơ sô̆ hŏk tro vang thi dôm môn đei 99,55% tŏk tơ̆ kơ pal. Đề thi đei lơ hŏk tro akhan lăp ai, gơ̆h băt bơ ngai hŏk rơ gei, bơ ngai ưh. Mă lei, tơ drong sơ ‘ngon ‘nŏh oei đei 3 ‘nu hŏk tro pơm glăi yoa chĕp điên thoăi mât tơ̆ lăm thi. 

Dơ̆ng: Tơ blơ̆