VOV4.Bahnar - Pơ gê (18/10), tơ̆ plt Buôn Ma Thuột, Dơ nŏ anih vei lăng kon pơ lei dêh char Dak Lak pơ gơ̆r Năr iung jang xa, tơ plih ‘nao rơ gei kơ dêh char sơ năm 2022 hăm lơ tơ drong jang vă tưk tơ iung tơ drong jang iung jang xa tơ plih ‘nao rơ gei tơ̆ tơ ring tŏk pran. Ƀok Nguyễn Tuấn Hà, Phŏ Kơ dră vei lăng kon pơ lei dêh char Dak Lak, Kơ dră Anih pơ gơ̆r Năr iung jang xa ăn tơ băt, ‘nâu jĭ tơ drong đei pơ gơ̆r hơ nơ̆ng rim sơ năm ăn tơ pôl ‘nao iung jang xa tơ̆ dêh char.

Năr iung jang xa rơ gei dêh char Dak Lak sơ năm 2022

Đơ̆ng rŏng vă jê̆ 3 sơ năm ƀơm ưh ‘lơ̆ng đơ̆ng jĭ hơ buh, Năr iung jang xa jing tơ drong jang vă hơ tŏk tơ drong tơ plih ‘nao rơ gei păng iung jang xa hơ dai hăm iŏk yoa tơ drong pran ‘lơ̆ng đơ̆ng tơ ring; tơ guăt trong jang xa, sơng iŏk jên jang vă atŏk tơ iung anih iung jang xa tơ plih ‘nao rơ gei kơ dêh char, dar dĕh bơ̆ jang đei tơ drong ‘mĕh vă tŏk jing tơ ring tơm ăn bơ ngai jang păng anih tĕch mơ dro iung jang xa rơ gei tơ̆ tơ ring Tây Nguyên.

VOV Tây Nguyên/Dơ̆ng tơ blơ̆