VOV4.Bahnar - ‘Năr 28/6, Anih vei lăng jŏh ayŏ kơ dŏ xoang, tơ plŏng kơ dâu păng chă tơ mang lăng dêh char Dak Lak jang hơ doi hăm Khul drŏ kăn dêh char pơ gơ̆r thi Hơ len năng luơ̆t unh hnam păng tang găn tĕh dong lơ̆m unh hnam tơ̆ dêh char Dak Lak. Vang thi đei 15 unh hnam arih xa ‘lơ̆ng tơ̆ 12 apŭng, thĭ xăh, plt păng dôm anih jang kơ pal, khul grŭp tơ pôl, khul linh; dơ̆ng tang ăn vă jê̆ 455 rơ bâu unh hnam tơ̆ dêh char Dak Lak.

Anih pơ gơ̆r hơ păh tơ mam ăn dôm unh hnam vang thi

Dôm unh hnam vang thi găh 4 tơ drong đei: roi tơ băt dôm bơ ngai lơ̆m hnam; thi hlôh vao găh trong jang đơ̆ng Đảng, khôi luơ̆t tĕh đak đei ƀơm truh tơ̆ unh hnam; thi pơ ma xa, tơl tơ blang dôm nơ̆r apinh lơ̆m tơ drong arih xa kơ unh hnam păng thi hơ ri hơ xoang. Tơ drong thi jing anih ngôi pơ chơt tôch đei yoa vă dôm unh hnam roi ‘mêm băl hlŏh dơ̆ng, vang pơ ma nuh găh rim tơ drong ƀơm truh tơ drong arih xa lơ̆m unh hnam.

Dơ̆ng: Tơ blơ̆