VOV4.Bahnar - Hnam trưng Cao đẳng Công Thương Việt Nam (găh Anih tơm vei lăng găh bơ ngai jang - lĭnh jĭ rơ ka păng tơ pôl) hơ nih pơ tho pơ hrăm Dak Lak hlôi pơ gơ̆r lêh pơ jao hŏk ƀŏng ăn hŏk tro dơ nuh hin yak hloh mơ mat tat, kĭ pơ kăp pơ tho pơ truh bơ ngai jang păng iŏk tơ mam bơ̆ jang đei tơ gŭm đơ̆ng dôm anih jang mơ dro sa. 37 kơ suơ̆t hŏk ƀŏng đei kơ jă 1 kơ suơ̆t đơ̆ng 1 triệu – 1triệu 500 rơ bâu hlak jên hlôi đei dôm bơ ngai tơ gŭm pơ jao truh đe oh sinh viên dơ nuh hin yak hloh mơ mat tat tơ gŭm đe oh sơ đơ̆ng hloh lơ̆m kơ plăh hŏk pơ hrăm tơ̆ hnam trưng.

Tơ̆ jơ pơm lêh, ƀok Tô Viết Tài, Phŏ kơ dră chĕp kơ̆l Hnam trưng Cao đẳng Công Thương Việt Nam, vei lăng hơ nih pơ tho pơ hrăm tơ̆ Dak Lak tơ băt: Hnam trưng bơ̆ jang kiơ̆ trong pơ tho pơ hrăm tơ klep hăm anih jang mơ dro sa vă tơ chă ăn tơ drong jang ăn sinh viên hŏk đang hăm tơ drong kĭ pơ kăp 100% sinh viên đei tơ drong jang hloi mư̆h hŏk đang hăm jên khei lơ. Yua thoi noh dôm tơ drong jang đei hŏk đei rơ̆ih iŏk lăp hăm ‘meh vă tơ pă kơ tơ ring.

Thuem: Tơ blơ̆