Kiơ̆ kơ ‘nŏh, trong tơlĕch jang atŏk tơ iung dêh char tơlĕch ăn jăl jang 2021-2030 ‘noh atŏk kơtang erĭh sa mŭk drăm, oei sa jŏh ayŏ păng jơhngơ̆m đon kon pơlei jơnei hơ iă kơ pơđĭ lơ̆m tĕh đak, ‘moi kiơ̆ trong: atŏk tơ iung mŭk drăm-tơpôl tĕnh koăng, kơ jăp; tơ iung pơjing Đắk Lắk đei jing tơring tơm, mĭnh hơnĭh atŏk tơ iung kơ tơring Tây Nguyên, vang mơ̆t hơdoi păng tơgoăt jang hơdoi kiơ̆ trong pơ̆ih să hăm tơring păng apŭng plĕnh tĕh.

Trŭh sơnăm 2050, Đắk Lắk ‘nŏh hơnĭh năm tơmang lăng ‘lơ̆ng hơ iă hlŏh, ‘mĕh vă oei sa, sơđơ̆ng dơ̆ng kơjăp; đei mŭk drăm kiơ̆ trong atŏk tơ iung rơgŏh ‘lơ̆ng, hơnĭh dơ̆ng atŏk tơ iung roi năr roi kơtang, jang mŭk drăm găh lơ̆m khŭl 25 dêh char dơ̆ng hơlau lơ̆m tĕh đak. Vă jang kĕ trong tơlĕch jang au, ƀok Đinh Trong Thắng, Kơdră chĕp pơgơ̆r Hơnĭh vei lăng pơprŏ jang găh Dơnŏ anĭh tơm Pơprŏ jang - Tơmơ̆t jên jang akhan, Đắk Lắk kăl lăng ba kơtang hlŏh dơ̆ng trŭh pơchŏh trong jang ‘lơ̆ng, tơbăt hơdăh, tơpăt vă vĕh ver hơdrom, lon dăh mă jang ư̆h kơ ‘lơ̆ng lơ̆m iung jang atŏk tơ iung.