Tơ̆ dôm anih oei ming man, Bí thư Đảng đêh char, ƀok Lương Nguyễn Minh Triết jet gia pơma nuh, pơlung, thơ thou ăn đe công nhân, ki sư oei man hnam trưng sơnăm ‘nao đei lơ tơdrong chơt hiôk, pŭn ai, bơ̆ jang sơđơ̆ng ‘lơ̆ng, đei yoa. Atŭm hăm ‘nŏh chih răk, pôk pơ ư đon jang tơnăp, adrin yak hlŏh rim tơdrong pơmat tat đơ̆ng dôm anih jang ming man.

Bí thư Đảng dêh char Đắk Lắk hơpơi ‘mĕh dôm khul ming man hơnơ̆ng mât 1 ƀơ̆r đon, jang roi tơnăp, jang khŏm kĕh ‘lơ̆ng; pơgơ̆r ming man sơđơ̆ng ‘lơ̆ng, trŏ năr hơgăt, kơjăp păng ‘lơ̆ng rŏ. Kiơ̆ tơ ‘ngla tơmât jên jang, truh dang ei, 3 tơdrong jang man Hnam trưng teh đak rong jăl mônh păng jăl ƀar tơ̆ dôm xăh sơlam Buôn Đôn, Ia Rve păng Ia Lốp đei jang ‘lơ̆ng, hrĕnh ƀiơ̆ năr hơgăt vă gơ̆h sơng hŏk tro mât hŏk đơ̆ng sơnăm hŏk truh .